Türkmenistanyň erkin we grek-rim göreşi boýunça pälwanlary Wýetnamyň Wungtau şäherinde geçirilýän ýaşlaryň arasyndaky Aziýa çempionatynda (23 ýaşa çenli) dört medal gazandy.
Türkmen türgenleri erkin göreş boýunça bir kümüş we iki bürünç medal eýelemegi başardylar. 79 kilograma çenli agram derejesinde Alp Arslan Begenjow kümüş, Watan Annaorazow (74 kg çenli) we Soltan Sanjar Begenjow (86 kg çenli) bürünç medallara mynasyp boldular.
Grek-rim göreşi boýunça Didar Orazberdiýew 72 kilograma çenli agram derejesinde bürünç medal gazandy.
Wungtauwda geçirilýän ýaryş 26-njy iýuna çenli dowam eder. Nobatdaky ýaryşlarda 17 ýaşa çenli türgenler dürli medallar ugrunda göreş düşekçesine çykarlar.
